ⴰⵍⵎⵓⴳⴳⴰⵔ ⵏ ⵉⵎⴰⴹⴰⵍⵏ
ⵜⴰⴷⴷⴰⵔⵜ ⵜⵓⵎⵍⵉⵍⵜ ⵜⴳⴰ ⴰⵎ ⴽⵯⵏⵏⵉⵏ, ⵜⴳⴰ ⵢⴰⵜ ⵜⵖⵔⵎⵜ ⴱⴰⵀⵔⴰ ⵉⴳⴰⵏ ⵜⴰⵏⴰⴼⴳⴰⵏⵜ, ⵓⵔ ⵢⵓⴷⵉ ⴰⴷ ⵜⵜ ⴽⴰ ⵜⵥⵕⵉⵎ ⵉⵍⵎⵎⴰ ⵜⵉⵙⵙⴰⵏⵎ ⵜ, ⵓⵔ ⵜⴳⵉ ⵎⴰⵖ ⵜⵣⵣⵔⴰⵢⵜ ⵜⵉⵣⵉ ⴰⵔ ⵜⵜⵉⵏⵉⵜ ⴷ ⵉⵅⴼ ⵏⵏⴽ ⵎⴰⵙ ⵜⵏⵜ ⴰⴽⴽⵯ ⵜⵙⵙⵏⵜ, ⴷ ⵉⵖ ⵜⵙⵢⴰⴼⴰⵜ ⴰⴷ ⵉⴳ ⵜⵉⴷⵜ ⴹⵖⵢⴰ….
ⵜⴳⴰ ⵓⵍⴰ ⵢⴰⵜ ⵜⵖⵔⵎⵜ ⵉⴳⴰⵏ ⵡⴰⵥ ⵍⵍⵉ ⴳ ⵜⵜⴰⴼⴰⵏ ⵉⴽⴰⵣⴰⵡⵉⵢⵏ ⴷ ⵜⵓⴳⵜ ⵏ ⵉⵎⴰⵍⵍⴰⵢⵏ ⵜⵉⵣⵎⵔⵜ ⴰⴷ ⵜⵏ ⵜⴰⵙⵉ ⴳ ⵜⵉⵣⵉ ⴷⵔⵓⵙⵏ ⵉⵍⵎⵎⴰ ⵜⵙⴽⵔ ⴳ ⵉⵅⴼ ⵏⵏⴽ ⴰⵡⴷ ⴽⵉⵢⵢ ⴰⴽⴰⵣⴰⵡⵉⵢ.
ⵜⴰⵎⴰⵜⴰⵔⵜ ⵜⴰⴷⵖⵔⴰⵏⵜ ⵏ ⵏⴳⴰ ⵜⴰⴷⴷⴰⵔⵜ ⵜⵓⵎⵍⵉⵍⵜ ⴰⵔ ⴰⵖ ⵉⵎⵎⴰⵍ ⴰⵙⵎⵎⵓⵎ ⴰⵎⵖⵢⴰⵢ - ⵄⴹN - ⵏ ⵜⵖⵔⵎⵜ ⵍⵍⵉ ⵢⵓⵜⵏ ⵙ ⵉⵥⵓⵕⴰⵏ ⴳ ⵡⴰⴽⴰⵍ ⵏ ⵍⵎⵖⵔⵉⴱ ⵣⵓⵏ ⴷ (ⴷⴷⴰⵔ ⵍⴱⵉⴹⴰ) ⵍⵍⵉ ⵉⴳⴰⵏ ⵜⴰⴷⴷⴰⵔⵜ ⵜⴰⵎⵍⵍⴰⵍⵜ, ⵜⴳⴰ ⵜⴰⵙⵡⵉⵏⴳⵎⵜ ⵏ ⵜⴰⵎⵓⵏⵜ ⵏ ⵡⴰⵡⴰⵏⴽ ⵙ ⵜⵙⵡⵉⵏⴳⵎⵜ ⵏⵏⴰ ⴷ ⵏⵣⵣⵔⵉ ⵎⴰⴷ ⵢⵓⴼⵏ ⴷ ⵡⵉⵢⵢⴰⴹ, ⴰⴷ ⵏⵎⵚⴰⵡⴰⴹ, ⵏⵙⵜⴰⵔⴰ ⴷⵉⴷⵙⵏ. ⵜⵉⵖⵔⵎⵜ ⵜⵟⵟⴼ ⵜⴰⵎⴰⴳⵉⵜ ⵙⵉⵙ ⵉⵥⵍⵉⵏ ⴷ ⵜⴰⴷ ⵉⴳⴰⵏ ⵜⴰⵎⵏⵏⴰⵡⵜ ⵍⵍⵉ ⵙⴽⵔⵏ ⵉⵎⵖⵔⵉⴱⵉⵢⵏ ⵍⵍⵉ ⴷ ⵉⴷⴷⴰⵏ ⵙⴳ ⴽⵔⴰ ⵉⴳⴰⵜ ⵜⴰⵙⴳⴰ ⵏ ⵜⵎⵓⵔⵜ ⴷ ⵓⵍⴰ ⵉⵎⵣⵣⴰⵏ ⵍⵍⵉ ⴷ ⵉⵜⵜⴰⵛⴽⴰⵏ ⵙⴳ ⴱⵔⵔⴰ ⵏ ⵜⵎⵓⵔⵜ.
ⵏⴳⴰ ⴽⴰⵣⴰⴱⵍⴰⵏⴽⴰ ⵉⴳⴰ ⵢⴰⵏ ⵓⵙⵙⵉⵖⵥⵉⵏ ⵙⴳ ⴷⴰⵔ ⵓⴷⵖⴰⵔ ⵏ ⵜⵖⵔⵎⵜ ⴷ ⵙⴳ ⴷⴰⵔ ⵡⵉⵍⵍⵉ ⵢⵓⵙⵉⵏ ⵜⴰⵎⴰⴳⵉⵜ ⵉⵖⵥⴰⵏⵏ ⵎⴰⵙ ⴷ ⵉⴽⴰⵣⴰⵡⵉⵢ ⴰⵔ ⵜⵜⵉⵏⵉⵏ : ⵏⴰⵃⵢⴰ ⴰⵖ ⴰⴽⴽⵯ ⴷ ⵉⴳⴰ ⴰⵖ ⴰⴷⴷⵓⵔ ⴰⴷ ⵏⴳ ⵢⴰⵏ.